Shahtınskide ishki ister organdarynyń jaýyngerlik dańq mýzeıi ashyldy
ASTANA. QazAqparat - 7 sáýir kúni Shahtınsk ishki ister bóliminde jaýyngerlik jáne eńbek dańqy mýzeıiniń ashylýy ótti.
Qyzyl lentany qala ákimi Sarjan Aımaqov pen ІІD bastyǵynyń orynbasary Berikbol Hasenov kesti, dep habarlaıdy ekaraganda.kz.
1961 jyly Tentek eldi mekeni oblysqa qarasty qalalardyń biri bolyp, Shahtınsk degen jańa atqa ıe boldy. Osy ýaqytta mılıtsııa bólimshesi quryldy. Ol kezde qyzmetkerler shtaty 38 adamnan turǵan, qazirgi tańda bul mekemede 200-den astam adam eńbek etýde. Shahtınsk ІІB-niń basshylyǵynda túrli jyldary QR Іshki ister eks-mınıstri Bolat Ysqaqov pen Qaraǵandy oblystyq Іshki ister departamentiniń qazirgi bastyǵy Mergenbeı Japparov boldy.
Mýzeı birneshe zaldan turady. Ondaǵy eksponattardan táýelsiz Qazaqstannyń tarıhymen jáne ishki ister organdarynyń qurylymymen tanysýǵa bolady. Bul jerde jazatyn mashınkalar, KSRO kósemderiniń bıýstteri men portretteri, keńestik azamattardyń tólqujattary toltyrylǵan qalamushtar jáne taǵy basqa qyzyqty dúnıeler bar.
Mýzeıdegi kóptegen buıymdardy, sonyń ishinde medaldar men kıim-keshekterdi, eski qurylǵylardy ishki ister organdarynyń ardagerleri bergen.
«Óte keremet bastama. Negizi qalandy, al materıaldar sany ýaqyt óte kóbeıedi dep oılaımyn», - dedi Berikbol Hasenov.
Aıta keteıik, mundaı mýzeıler oblystaǵy kóptegen ishki ister bólimderinde ashylǵan. Tarıhı-mádenı nysandarǵa ádette ashyq esik kúnderi aıasynda jas qyzmetkerler men mektep oqýshylary barady.
