Shahtınskide bos turǵan kópqabatty úıler jóndelip, muqtaj jandarǵa beriledi

QARAǴANDY. QazAqparat - Qaraǵandy oblysynyń ákimi Jeńis Qasymbek jumys saparymen Shahtınsk qalasyna bardy. Aımaq basshysyna shahterler qalasyndaǵy turǵyn úı máselesin sheshý joldary týraly aıtyldy, dep habarlaıdy QazAqparat tilshisi.

Jańa qurylystan bólek, Shahtınsk basshylyǵy 90-shy jyldary bos qalǵan kópqabatty úılerdi qalpyna keltirýdi kózdep otyr. Qalada mundaı úsh ǵımarat bar.

«Biz tehnıkalyq qorytyndy aldyq, olardy qalpyna keltirýge bolady. Eki úı boıynsha zańdy tazalaý júrgizildi. Sodan keıin kommýnaldyq menshikke rásimdedik. Jobalyq-smetalyq qujattama ázirlendi, ol qazir memlekettik saraptamadan ótýde», - dedi Shahtınsk qalasynyń ákimi Serjan Aımaqov.

Abaı dańǵylyndaǵy 9 qabatty bos turǵan taǵy bir úı boıynsha qujattardy resimdeý jalǵasýda. Sodan keıin JSQ ázirlenedi.

Shahtınsk qalasynda turǵyn úı alý kezeginde 1646 adam tur. 46 kópbalaly otbasy baspanaǵa muqtaj. Bos turǵan kópqabatty úılerdi qalpyna keltirý turǵyn úı máselesin sheshýge kómektesedi.

Sonymen qatar, Shahtınsk qalasynda jańa úıler salynady. 2020 jyly 5 qabatty 60 páterli úıdi tapsyrý josparlanǵan. Aldaǵy ýaqytta taǵy bir kópqabatty úıdiń qurylysy josparlanýda.

Shahtınsk qalasyna jumys sapary barysynda oblys ákimi sondaı-aq «Shahtınskteploenergo» JEO-da boldy. Óńir basshysy qalanyń jylytý maýsymyna daıyndyǵyn tekserdi. Stantsııany jańǵyrtý máselesi talqylandy.