Shahtınskide 12 jasar bala beton qorshaýdyń astynda qalyp mert boldy
QARAǴANDY. QazAqparat - Qaraǵandy oblysynyń Shahtınsk qalasynda 12 jasar bala beton qorshaýdyń astynda qalyp qoıyp, kóz jumdy, dep habarlaıdy QazAqparat tilshisi.
Qaıǵyly oqıǵa ıesiz qalǵan qurylys aýmaǵynda boldy. Oınap júrgen úsh balanyń biriniń ústine betondy bıik qorshaý qulap ketken. Saldarynan 2007 jyly týǵan er bala oqıǵa ornynda ajal qushty.
Qazirgi tańda quzyrly organdar oqıǵa sebepterin anyqtaýda.
«Atalmysh derek tirkeýge alyndy. Oqıǵa ornynda tergeý jumystary júrgizilip jatyr. Tıisti saraptamalar taǵaıyndaldy», - dep málim etti Qaraǵandy oblystyq Polıtsııa departamentiniń baspasóz qyzmetinen.
