Shahtınskidegi gaz jarylysy: oqıǵa qalaı boldy
ShAHTINSK. KAZINFORM - Shahtınskidegi kópqabatty turǵyn úıde 40 jastaǵy er adam qasaqana órt shyǵaryp, kórshiler men polıtsııa qyzmetkerleriniń ómirin qaterge tikkeni belgili boldy. Turǵyndardy evakýatsııalaý kezinde bes tártip saqshysy jaraqat alyp, aýrýhanaǵa jetkizildi.
Shahtınskidegi oqıǵa ornynda júzege asyrylǵan arnaıy operatsııanyń beınejazbasy jarııalandy.
«Aldyn ala málimetter boıynsha, kúdikti besinshi qabattaǵy páterinde gaz ballonyn ashyp, ony órtegen. Bul áreket turǵyndar men qutqarýshylar úshin qaýip týǵyzdy», – dedi Qaraǵandy oblysy PD baspasóz qyzmeti.
Birinshi bolyp kelgen polıtsııa qyzmetkerleri turǵyndardy dereý evakýatsııalady. Jarylys qaýpine qaramastan, tártip saqshylary batyl jáne sheshimdi áreket etti. Operatsııa kezinde bes qyzmetker jaraqat alyp, medıtsınalyq kómekke júgindi.
Qazirgi tańda kúdikti medıtsınalyq mekemede kúzette ustalyp otyr, qylmystyq is qozǵalyp, tergeý amaldary jalǵasýda.
