Shahtınsk qalasynda sportshyny pyshaqtap ketti
NUR-SULTAN. QazAqparat - Keshe túnde Qaraǵandy oblysyna qarasty Shahtınsk qalasynda 24 jastaǵy sportshy jigitti pyshaqtap ketti, dep habarlaıdy qazAqparat tilshisi.
Instagram -daǵy Qaraǵandy patrıoty paraqshasyndaǵy málimetke qaraǵanda, jergilikti turǵyndar túnde aıǵaı-shý men myltyq daýysyn, bireýlerdiń tóbeleskendigin estigen.
Sonymen qatar osy paraqshada Qaraǵandy oblystyq polıtsııa departamentiniń baspasóz qyzmeti taratqan aqparat ta jarııalanǵan. Onda 20 tamyz kúni túngi saǵat 01-00-de Shahtınsk ortalyq aýrýhanasyna pyshaq jaraqatymen 24 jastaǵy qala turǵyny jetkizilgendigi aıtylǵan.
«Ol esin jımastan qaıtys boldy. Atalǵan fakti boıynsha QR Qylmystyq kodeksiniń 1 bóliminiń «Adam óltirý» 99-baby boıynsha bergeý bastaldy. Qazirgi ýaqytta polıtsııa qyzmetkerleri kúdiktini anyqtaý jáne ustaý boıynsha jedel izdestirý sharalaryn júrgizip jatyr», - dep atap ótken polıtsııa departamentinen.
