Shahtınsk qalasynda órtengen páterden er adamnyń máıiti tabyldy
QARAǴANDY. QazAqparat - Qaraǵandy oblysynyń Shahtınsk qalasynda bir bólmeli páterdi ot sharpydy. Órt sóndirýshiler 35 adamdy qutqardy, 60 adamdy evakýatsııalady. Órt sóndirý barysynda páter ıesiniń denesi tabyldy, dep habarlaıdy QazAqparat tilshisi.
10 qazan kúni saǵat 23:11-de Shahtınsk qalasynda «Marks kóshesi, 44G» mekenjaıyndaǵy 5 qabatty turǵyn úıde órt bolyp jatqany týraly habarlama kelip tústi, 4-qabattaǵy bir bólmeli páterde jalyn 10 sharshy metr jerdi sharpyp, úı zattary, jıhaz jáne turmystyq tehnıka janyp ketti.
TJD bólimsheleriniń kúshimen turǵyn úıdiń kireberis páterlerinen 35 adam qutqaryldy, 12 bala, 60 eresek adam, onyń ishinde 15 bala evakýatsııalandy.
«Órt sóndirý barysynda 1967 jyly týǵan páter ıesiniń denesi tabyldy, órt 23:45-te sóndirildi. Aldyn ala boljam boıynsha órttiń sebebi otty abaısyz qoldaný (temeki shegý) boldy», - dep habarlady Qaraǵandy oblysy TJD baspasóz qyzmeti.
