Shahtınsk qalasynda kezekte turǵan 250 adam páter alady
ShAHTINSK. QazAqparat – Shahtınsk qalasynda kezekte turǵandar úshin tórt kóppáterli úı salynýda. Bıyl 250 páter paıdalanýǵa beriledi. Qaraǵandy oblysynyń ákimi Jeńis Qasymbekke qalaǵa jumys sapary barysynda turǵyn úı qurylysynyń qarqyny týraly esep berdi, dep habarlaıdy QazAqparat tilshisi.
Sondaı-aq, óńir basshysy salynyp jatqan birqatar nysandardy aralap, dene shynyqtyrý-saýyqtyrý keshenindegi jumystardyń qalaı júrip jatqanyn tekserdi. Merdiger DSK-ny bıyl tapsyrýy tıis. Syrtqy jumystar oryndalyp, ishki árleý jumystary bastaldy. Sý qubyry, káriz, jylý jelileri, elektrmen jabdyqtaý júrgizildi.
Jumys sapary kezinde Jeńis Qasymbek avtovokzalda da bolyp qaıtty. Esterińizge sala keteıik, ǵımarat uzaq jyldar boıy toqtap turǵan bolatyn. Turǵyndar ony qalpyna keltirý máselesin birneshe ret kóterdi. Qazir jylý berilip, aýmaq asfalttaldy, shatyr, sýmen jabdyqtaý jáne sý burý júıeleri jóndelýde.
«Alda áli kóp jumys bar, biraq osy jyldyń qazan aıynda jańartylǵan avtovokzal jolaýshylardy qarsy alyp, shyǵaryp salýdy bastaıdy dep úmittenemiz», – dep baıandady Shahtınsk qalasynyń ákimi Áskerbek Haltonov.
Oblys basshysyna Shahtınsk JEO jabdyǵyn jóndeý jospary týraly da aıtyldy.
«Qazir alda mańyzdy mindet tur – jazǵy kezeńde sapaly jóndeý jumystaryn júrgizý. Biz sizderdi qoldaımyz. Oblystyq bıýdjetten qazandyqtar men qosalqy jabdyqtardy jańǵyrtýǵa qarajat bólinetin bolady», – dep atap ótti oblys basshysy.
Jeńis Qasymbek sondaı-aq metall buıymdaryn shyǵaratyn «TemırLaın» JShS kásipornynda boldy. Bıznestiń jol kartasy – 2020 aıasynda nesıeler boıynsha paıyzdyq mólsherlemeni sýbsıdııalaý arqasynda zaýyt óndiristi keńeıtip, óz ónimderin búkil Qazaqstan boıynsha satýdy bastady. Pandemııa kezinde bul qalanyń ekonomıkalyq turaqtylyǵyna aıtarlyqtaı áser etti.
