Shahtınsk qalasynda qaza tapqan kenshilerdi aqtyq saparǵa shyǵaryp saldy

ShAHTINSK. QazAqparat – Búgin Shahtınsk qalasynda Lenın atyndaǵy shahtada qaza tapqan kenshilerdi jerleý rásimi ótti. Marqumdardyń týystary men jaqyndary olardy sońǵy saparǵa shyǵaryp saldy, dep habarlaıdy QazAqparat tilshisi.

Shahtınsk qalasynda Lenın atyndaǵy shahtadaǵy apat kezinde qaza tapqan bes kenshi jerlendi. Týystary men jaqyndary, áriptesteri jáne qala turǵyndary marqumdardy sońǵy saparǵa shyǵaryp saldy.

Esterińizge sala keteıik, 3 qarashada túngi saǵat 3.03-te «ArselorMıttal Temirtaý» AQ Kómir departamentiniń Lenın atyndaǵy shahtasynda metan gazy jarylǵan. Apat kezinde shahtada jer astynda 106 adam bolǵan. 101 adam evakýatsııalandy, bes adam qaıtys boldy, tórt adam aýrýhanaǵa jatqyzyldy. QR QK 277-baby 3-bóligi «Taý-ken nemese qurylys jumystaryn júrgizý kezinde qaýipsizdik erejelerin buzý» boıynsha qylmystyq is qozǵaldy. Sanavıatsııa brıgadasy zardap shekkenderdiń jaǵdaıy boıynsha TJ ornynda konsılıým quryp, eki kenshi Qaraǵandyǵa jetkizilip, ota jasaldy. Keıin «ArselorMıttal Temirtaý» AQ Kómir departamentiniń dırektory Arman Qalyqov Lenın atyndaǵy shahtadaǵy apattyń sebebin atady. Onyń aıtýynsha, gazdy drenajdy uńǵymalardy burǵylaý kezinde metannyń kenetten shyǵýy oryn alǵan.

«ArselorMıttal Temirtaý» AQ-nyń barlyq segiz shahtasy bir táýlikke toqtatyldy.

Keıinirek qaıtys bolǵandardyń esimderi belgili boldy.

Vıdeodan alynǵan kadr