Shahtınsk qalasynda 60-qa jýyq múgedek jan jumysqa ornalastyryldy
Qaraǵandy oblysynyń Shahtınsk qalasynda jyl basynan beri 59 múgedek adam jumysqa ornalastyryldy. Olar úshin arnaıy jumys oryndary qurylady, al jumys berýshiler memleketten sýbsıdııa alady? dep habarlaıdy Kazinform agenttiginiń tilshisi.
«Jyl basynan beri bizge múgedektigi bar 63 adam júgindi. Olardyń 59-yn jumysqa ornalastyrdyq. Jumys berýshilerdi múgedek adamdardy jumysqa ornalastyrýǵa qyzyqtyrý úshin Eńbek jáne halyqty áleýmettik qorǵaý mınıstrligi jumys oryndaryn qurýǵa arnalǵan shyǵyndardy sýbsıdııalaý baǵdarlamasyn engizdi. ıAǵnı, kompanııa basshysy jumys keńistigin erekshe qajettilikteri bar adamdarǵa yńǵaıly etip uıymdastyrady, al memleket 300 AEK-ke deıingi shyǵyndardy óteıdi. Budan basqa, osy jyldan bastap jumys berýshilerge múgedektigi bar adamdardyń jalaqysyn sýbsıdııalaý bastaldy. Jumys istegen birinshi jyly memleket 70%, ekinshi jyly – 65% jáne úshinshi jyly – jalaqy mólsheriniń 60% sýbsıdııalaıdy», - deıdi Shahtınsk Mansap ortalyǵynyń jetekshisi Rústem Manapov.
Svetlana Rıabtseva Shahtınsk qalasynda jumys berýshisi arnaıy jumys ornyn jabdyqtaǵan alǵashqy qyzmetkerlerdiń biri. Bir aıdan astam ýaqyt boıy ol «Aızere» ámbebap tigin kásipornynyń ujymynda jumys isteıdi.
«Men 52 jastamyn, tiginshimin. Estý problemalarym bar. Buryn biz Almatyda turdyq, sol jerde meniń kishkentaı atelem boldy. Birneshe jyl buryn otbasymmen Dolınkaǵa kóship keldik, bir jyldan astam ýaqyt jumys taba almadym. Maǵan mansap ortalyǵyna júginýge keńes berdi, sol jerden maǵan jumys tabyldy. Tsehta maǵan bári unaıdy, ujym óte jaqsy», – deıdi Svetlana.
Tigin tsehy 2017 jyly ashyldy. Onyń negizin Shahtınsk qalasynyń turǵyny Qalamqas Saýhanova qalaǵan. Bastapqyda kásipker bes qyzmetkermen jumys istedi. Búgingi tańda onyń 20-ǵa jýyq jumyskeri bar. Olar polıtsııa qyzmetkerlerine, dárigerlerge jáne basqa da mamandarǵa tapsyrys boıynsha arnaıy kıim tigedi.
«Svetlanany jumysqa alýdy maǵan Mansap ortalyǵy usyndy. Ol bizde osymen ekinshi aı jumys istep jatyr, ózin jaqsy maman retinde kórsetti. Odan basqa, Mansap ortalyǵynyń usynysy boıynsha maǵan taǵy tórt adam keldi. Bireýi áleýmettik jumys ornyna, úsheýi «Kúmis jas» jobasy boıynsha jumysqa ornalastyryldy. Bul jumyskerlerdiń jalaqysy maǵan sýbsıdııalanady. Bizde turaqty óndiris bar, tapsyrystar jetkilikti. Men taǵy 10 adamdy qabyldaýǵa daıynmyn», – deıdi Qalamqas Saýhanova.
Múgedektigi bar adamdarǵa qolaıly jaǵdaı jasaý úshin kásipker eki ınfraqyzyl bólikten jáne Braıl shrıfti bar aqparattyq kórsetkishten turatyn arnaıy jaryq shamshyraǵyn satyp aldy. Bul erekshe qajettilikteri bar qyzmetkerler úshin nusqaýlyq retinde qyzmet etedi.
Memleket kásipkerge jaryq shamdaryn satyp alý shyǵyndaryn ótedi.
