Shahtınsk dárigerleri senbilik kezinde adamnyń qańqasyn tapty
QARAǴANDY. QazAqparat - Shahtınsk qalasynyń dárigerleri senbilik kezinde adamnyń qańqasyn tapty, dep habarlaıdy QazAqparat tilshisi.
Adam súıekterin Shahtınskiniń Ortalyq aýrýhanasynyń qyzmetkerleri jumysy toqtap turǵan emdeý-saýyqtyrý mekemesiniń janynan tapqan.
Shahtınsk polıtsııa bóliminiń basshysy Dýman Qojahmetovtyń aıtýynsha, súıegi ǵana qalǵan máıittiń tabylýyna qatysty tergeý júrgizilýde.
«Fakti boıynsha tergeý bastaldy, saraptamalar taǵaıyndaldy», - dep atap ótti Dýman Qojahmetov.
Qańqanyń janynda sondaı-aq, aýrýhanada emdelip shyqqandyǵy týraly qujattar men rentgendik sýret jatqan. Qujattarǵa súıensek, tabylǵan ólik Shahtınsk qalasynyń turǵyny, 1975 jyly týǵan er adamdiki.
