«Shahterdiń» shabýylshysy Sergeı Hıjnıchenko tamyzdaǵy Premer-Lıganyń úzdik oıynshysy bolyp tanyldy
ASTANA. 4 qyrkúıek. QazAqparat - Qaraǵandylyq «Shahterdiń» shabýylshysy Sergeı Hıjnıchenko qazaqstandyq Premer-Lıgadaǵy tamyzdyń úzdik oıynshysyn anyqtaýǵa júrgizilgen saýalnamanyń jeńimpazy boldy, dep habarlaıdy Sports.kz.
Jıyrma ekinshi saýalnamaǵa «Qaırattyń» slovak ustazy Vladımır Vaısstan basqa premer-lıga klýbtarynyń barlyq bas jattyqtyrýshylary jáne 12 fýtbolshy qatysty.
Ár saýalnamaǵa jaýap berýshi óz pikiri boıynsha Qazaqstan chempıonatyna barlyq qatysýshylar arasynan úsh úzdik fýtbolshyny ataǵan. Birinshi oryn alǵan fýtbolshy úsh upaı, ekinshi oryn úshin - eki upaı, úshinshi oryn úshin - bir upaı alady. Saýalnamada barlyǵy 27 fýtbolshynyń (ótken aıda 34) aty-jóni aıtylǵan.
Sonymen, 22 jastaǵy Óskemen fýtbolynyń túlegi, «Shahterdiń» shabýylshysy Sergeı Hıjnıchenko tamyzdyń jeńimpazy boldy. Chempıondar Lıgasynyń úsh jarysynda Sergeı Hıjnıchenko qaqpaǵa eki gol soqty, sondaı-aq, ol soqqan gol Qazaqstan jáne Grýzııa quramalarynyń joldastyq jarysynda jeńiske jetkizdi. Jeńimpaz 28 upaıdy enshiledi.
«Shahterdiń» 32 jastaǵy qaqpashysy Aleksandr Mokın ekinshi oryndy ıelendi. Qaqpashynyń tamasha oıyny kenshilerge Chempıondar Lıgasynyń pleı-off raýndyna deıin jetýge múmkindik berdi jáne qaraǵandylyqtar Chempıondar Lıgasynyń toptyq raýndyna ótýine sál ǵana qalǵan. Eske sala keteıik, 2013 jyldyń shilde aıynda Aleksandr Mokın aıdyń úzdik oıynshysy bolyp tanyldy. Aleksandr Mokınniń enshisinde 20 upaı bar.
3 orynǵa 28 jastaǵy «Aqtóbeniń» ózbek shabýylshysy Aleksandr Geınrıh jaıǵasty. Fýtbolshy, chempıonatta «Qaıratty», sondaı-aq, Eýropa Lıgasynda ıslandııalyq «Breıdablıkti» jeńýge kómektesken. Al Kıev «Dınamosyna» qarsy jarystarda Geınrıh batys qazaqstandyqtardyń quramynda úzdik boldy. Ol 16 upaıdy jınady.
