«Shahterdiń» dırektory men bas bapkeri otstavkaǵa jiberildi
ASTANA. QazAqparat - Qaraǵandylyq «Shahterdiń» dırektory Asqar Ábildaev pen komandanyń bas bapkeri Alekseı Eremenko otstavkaǵa jiberildi, dep habarlady KazFootball.kz.
Qaraǵandylyq «Shahter» 14-shi týrdan keıin Premer-lıgada sońǵy oryndy ıelendi. Reseı mamany Alekseı Eremenko ótken jyly tamyzda «Shahterdi» basqaryp, «kenshilerdi» Premer-lıgadan shyǵyp qalýdan qutqarǵan. Asqar Ábildaev bolsa, 2016 jylǵy aqpanda «Shahter» basshysy bolyp qaıta taǵaıyndalǵan.
Alekseı Eremenko osy maýsym bastalǵannan bergi otstavkaǵa jiberilgen Premer-lıgadaǵy tórtinshi bas bapker.
