«Shahter» jáne «Ordabasy» jattyqtyrýshylary biri-birinen buqara aldynda keshirim surady
ASTANA. 9 qazan. QazAqparat - «Shahter» jáne «Ordabasy» fýtbol klýbtarynyń bas jattyqtyrýshylary Vıktor Kýmykov jáne Vıktor Pasýlko Qazaqstan fýtbol qaýymdastyǵynyń resmı saıty arqyly QR chempıonatynyń XXIX týryndaǵy oıyn aıaqtalǵannan keıin bolǵan oqıǵa úshin bir-birinen buqara aldynda keshirim surady.
Atap aıtqanda, V.Pasýlko jarystan keıin ótken májiliste «Shahter» komandasyna qatysty aıtqan sózderi úshin, al V.Kýmykov attasynyń aıtqan sózderinen keıin ustamsyzdyq tanytqany úshin keshirim surady. Bapkerlerdiń tatýlasýyna baılanysty V. Pasýlko V. Kýmykovty jazalaý týraly jazǵan aryzyn qaıtaryp aldy.
«Shahter» jáne «Ordabasy» komandalarynyń jetekshileri arasynda Qaraǵandyda ótken Qazaqstan premer-lıgasynyń 29-shy týrynyń jarystary aıaqtalǵannan keıin janjal týǵan. Jarys 3:0 esebimen qaraǵandylyqtardyń jeńisimen aıaqtaldy. Jarystan keıin ótken baspasóz májilisiniń sońynda V. Pasýlko ózin V.Kýmykov onyń komandasy stadıonnan shyǵyp bara jatqan kezde uryp jiberdi dep málimdedi.
