«Shahter» slovenııalyq «Koperdi» 2:1 esebimen jeńip, Eýropa Lıgasynyń kelesi kezeńine shyqty
ASTANA. 8 shilde. QazAqparat - Qaraǵandylyq «Shahter» Eýropa Lıgasynyń ekinshi oıynynda slovenııalyq «Koperdi» 2:1 esebimen jeńip, ekinshi irikteý kezeńine joldama aldy, dep habarlaıdy Sport.kz saıty.
Oıynnyń 32-shi mınýtynda qonaqtar jaqtan jasalǵan belsendi shabýyldyń nátıjesinde Osterts esep ashty. Biraq bizdiń «shahterlar» da qarap qalǵan joq. Birinshi kezeńdi 1:1 esebimen aıaqtaýǵa Ulan Qonysbaev úles qosty. Oıynnyń ekinshi kezeńiniń sońyna qaraı, 82-shi mınýtta taǵy bir gol soǵyp, esepti eselegen de osy Ulan Qonysbaev boldy.
Endi qaraǵandylyqtar «IVB» (Islandııa) - «Sent-Patrıks» (Irlandııa) jubynyń jeńimpazymen kezdesedi.
