«Shahter» sańlaǵy A. Fınonchenko - Qazaqstan-2013 chempıonatynyń úzdik fýtbolısi
ASTANA. 13 qarasha. QazAqparat - Qaraǵandylyq "Shahter" men Qazaqstan quramasynyń fýtbolısi Andreı Fınonchenko Qazaqstan-2013 chempıonatynyń úzdik fýtbolshysy ataǵy saýalnamasynda jeńimpaz atandy,
dep habarlady Sports.kz.
Kezdeısoqtyqty boldyrmaý úshin bul saýalnama premer-lıga quramalarynyń fýtbolısteri men bas jattyqtyrýshylarynyń arasynda júrgizildi. Qorytyndy nátıje fýtbolısterdiń aı saıynǵy jınaǵan upaılarynan jasaldy.
Bári ekshele kele, «Shahter» komandasy men Qazaqstan quramasynyń jartylaı qorǵaýshysy, kenshiler kapıtany Andreı Fınonchenko Qazaqstannyń ótken chempıonatynda úzdik fýtbolıst bolyp tanyldy. Óziniń klýbymen birge ol osy kezeńde Sýperkýbok pen Qazaqstan Kýbogynyń ıegeri atandy. Olar Eýropa Lıgasynyń toptyq raýndyna qatysý quqyǵyna ıe boldy. Qazaqstan quramasynyń qatarynda eki jarym jyl bolmaǵan sańlaq sportshy 4 oıynǵa qatysyp, 2 gol soqqan. Al irikteý matchynda Qazaqstan quramasyna 4 upaı ákeldi. Sondaı-aq, ótken maýsymda Qazaqstan chempıonatynda «Shahter» úshin qaqpaǵa soqqan goldar sanyn 97-ge jetkizdi. Osylaısha Rýslan Imanqulovtan ozyp, Qaraǵandy klýbynyń jańa tarıhynda úzdik shabýyldaýshy atandy.
