«Shahter» óz alańynda «Qaısar» komandasymen teń oınady

Búgin fýtboldan premer-lıga komandalary arasyndaǵy el birinshiliginiń 22-týry máresine jetti, dep habarlaıdy QazAqparat tilshisi.

Atalǵan týrdy Qaraǵandyda jergilikti «Shahter» men Qyzylordanyń «Qaısary» túıindedi.

Týrnır kestesinde komandalar qatarlas keledi. Jeńgen komanda joǵary oryndarǵa jyljıtyn edi. Sondyqtan, oıyn basynan belsendi qımylymen erekshelendi. Alǵashqy mınýttan qyzylordalyq fýtbolshylar alǵa qaraı umtyldy. Soǵan qaramastan, birinshi kezeńde esep ashylǵan joq.

Ekinshi kezeńde alań ıeleri alǵashqy bolyp esep ashty. Oıynnyń 56-mınýtynda qaraǵandylyq klýbtan ıÝrıı Pertsýh mergendik tanytty.

Oıynnyń 59-mınýtynda «Qaısar» sapynan Dıdar Jalmuqan qyzyl qaǵaz alyp, alańnan qýyldy.

On oıynshymen qalǵanyna qaramastan, qyzylordalyq komanda tarazy basyn teńestirýge umtyldy. Nátıjesinde Goran Mıloıko 68, Ben Azız Zagre 70-mınýtta eki gol soǵyp ketti.

Al, 93-mınýtta «Shahter» sapynan Kampo Mına Frantsısko qorytyndy esepti belgiledi.

Osylaısha komandalar 2:2 esebine qanaǵat bildirdi.

Bul kúni taǵy bir kezdesýde Taldyqorǵannyń «Jetisýy» óz alańynda Almatynyń «Qaıratyna» 1:2 esebimen ese jiberdi.

Sondaı-aq, 16 qyrkúıekte «Astana» «Tobyldan», «Aqtóbe» «Tobyldan» 2:1 esebimen basym tússe, «Atyraý» men «Qyzyljar» 0:0 esebine qanaǵat bildirdi.

Aıta ketsek, 15 qyrkúıekte óz alańynda «Aqsý» «Oqjetpeske» 0:1, «Kaspıı» «Maqtaralǵa» 0:2 esebimen jol berdi.

Endi 23-týr oıyndary 23 jáne 24 qyrkúıek kúnderi ótkiziledi.