«Shahter» fýtbol klýby senimdi basqarýǵa ótkizildi
QARAǴANDY. QazAqparat - Búgin, 27 qazan kúni Qaraǵandy oblysy memlekettik satyp alýlar basqarmasynda «Shahter» fýtbol klýby men «Saryarqa» hokkeı klýbyn senimdi basqarýǵa ótkizý boıynsha birinshi tender jarııalandy, dep habarlaıdy «QazAqparat» HAA tilshisi.
«Shahter» fýtbol klýby Qaraǵandydaǵy qoǵamdyq birlestikterdiń biriniń senimdi basqarýyna ótedi. Klýbtyń basqarýshy kompanııasy bolý múmkindigine úsh zańdy tulǵa talasty. Ótkizilgen baǵalaýǵa baılanysty, bastapqy baǵa 1 000 teńgeni qurady, al satý baǵasyna 380 mıllıon teńge kóleminde usynyldy. Senimdi basqarýshy bes jyldan keıin sport klýbyn osy baǵaǵa óziniń jeke menshigine aınaldyra alady», - dep habarlady Qaraǵandy oblysy dene shynyqtyrý jáne sport basqarmasynyń baspasóz qyzmeti.
Ótinishterdiń joqtyǵyna baılanysty, «Saryarqa» hokkeı klýby boıynsha atalǵan tender ótkizilmegen dep tanyldy. Bastapqy baǵadaǵy 161 mıllıon teńgege nıet bildirgen senimdi basqarýshylar tabylmady. Erejege sáıkes, kelesi joly klýb baǵasy 50 paıyzǵa deıin tómendetiledi. Ekinshi satylym 17 qarashaǵa belgilendi.
