«Shahter» FK ulttyq quramanyń úsh oıynshysymen kelisim-shartty uzartty
ASTANA. 23 jeltoqsan. QazAqparat - Qazaqstan ulttyq quramasynyń úsh oıynshysy - qaqpashy Aleksandr Mokın, jartylaı qorǵaýshy Ulan Qonysbaev jáne shabýylshy Sergeı Hıjnıchenko kelesi maýsymdy el chempıony - qaraǵandylyq «Shahterdiń» quramynda ótkizedi,
dep habarlady sports.kz sporttyq-jańalyqtar portaly.
Saıtta atap ótilgendeı, «Shahter» fýtbol klýby óziniń alǵashqy oqý-jattyǵý jıyndarynyń barysynda A.Mokınmen, U.Qonysbaevpen jáne S.Hıjnıchenkomen kelisimshartty uzartty. Qazaqstandyq premer-lıganyń tańdaýly oıynshylarymen jańa kelisimderge qol qoıylýy qaraǵandylyq klýbtyń kóptegen jankúıerlerin qýantpaq.
Fýtboldan «Shahter» komandasy Qazaqstannyń chempıony ataǵyna 2011 jylǵy qazanda «Astana» komandasymen fınaldyq jekpe-jektegi jeńisi nátıjesinde ıe boldy. Qaraǵandylyqtar klýb tarıhynda alǵash ret altyn medalǵa qol jetkizdi.
