«Shahter» FK basshylyǵy aýysty
Al jambyl fýtbol mektebiniń tárbıelenýshisi Murat Tileshev sport dırektory qyzmetin atqarady. Jańa basshylar búgin resmı túrde ujymmen tanystyryldy, dep habarlady karaganda-region.gov.kz.
Bas jattyqtyrýshy mindetin ýaqytsha Qaraǵandy fýtbolynyń ańyzyna aınalǵan Andreı Fınonchenko atqaratyn bolady. «Meniń oıymsha apta sońyna deıin komandanyń bas jattyqtyrýshysy kandıdatýrasy anyqtalýy tıis», - dedi oblystyq dene shynyqtyrý jáne sport basqarmasynyń jetekshisi Natalıa Sýhorýkova.
Jaqynda reseılik maman Alekseı Eremenko «kenshilerdiń» bas jattyqtyrýshysy qyzmetin doǵarǵan bolatyn. Asqar Ábildaev atqarýshy dırektor qyzmetinen ketti. Sonymen birge sporttyq dırektor Igor Soloshenko da ornyn bosatqan. Mundaı sheshim qabyldaýdyń basty sebebi - osy oıyn maýsymyndaǵy komandanyń tómen kórsetkishteri boldy.
Esterińizge sala keteıik, bir aı buryn «Shahterdiń» basshylyǵy oblys ákimi Erlan Qoshanovpen kezdesken bolatyn. Ol kezde aımaq basshysy komandanyń tómen kórsetkishterine narazylyǵyn bildirip, qatań sóılegen edi. Oblys ákimi fýtbolshylar jaqsy oınamasa, toptyń basshylyǵy men jattyqtyrýshylaryn aýystyratynyn eskertken.
