«Shahter» FK bas bapkeri: «Ertisti» áýpirimdep júrip ázer jeńdik
ASTANA. QazAqparat - Qaraǵandylyq «Shahter» Qazaqstan kýbogynyń jartylaı fınalyna joldama aldy. Óz alańynda Kerekýdiń «Ertisin» qabyldaǵan V.Kýmykov shákirtteri qarsylastarynan basym tústi, dep habarlaıdy 24.kz.
Jeńis ońaıǵa túsken joq. Alǵashqy taımda esep ashylmady. Ekinshi kezeńde qarǵandylyq oıynshylardyń biri jaraqat alyp, az quramda oınaýǵa týra keldi. Oıynnyń 61-mınýtynda Kamolıddın Mýrzoev esep ashyp, «Shahter» komandasyn alǵa shyǵardy. Qorytyndy esep: 1:0. Vıktor Kýmykov, «Shahter» FK bas bapkeri: «Oıyn oılaǵanymyzdaı bolmady. Bizdiń jigitterde ońaı jeńemiz degen túsinik qalyptasqan, nemquraıdy oınady. Sonyń saldarynan áýpirimdep júrip ázer jeńiske jettik. Aldaǵy oıyndarda bizdiń oıynshylarǵa osyny eskerý kerek».
