«Shahter» alty týr buryn Premer-lıgaǵa qaıta oraldy
ASTANA. KAZINFORM - Bıyl Birinshi lıgada synǵa túsip jatqan qaraǵandylyq «Shahter» alty týr buryn Premer-lıga joldamasyna ıe boldy.
Qaraǵandylyq komanda búgin syrt alańda Semeıdiń «Elimaı-2» klýbymen kezdesti. Oıyn barysynda Andreı Ýlshın 37-mınýtta esep ashsa, odan keıin Nurhan Qaǵazbaev 45, Artem Lıtosh 70-mınýtta mergendik tanytty.
Osylaısha «Shahter» qarsylasynan 3:0 esebimen basym túsip, týrnır kestesinde 55 upaımen birinshi orynǵa taban tiredi.
Sondaı-aq túrkistandyq «Turan» syrt alańda Pavlodar oblysynyń «Batyr» komandasynan 4:2 esebimen basym tústi.
Oıyndar nátıjesi
27 tamyz
«Batyr» (Pavlodar oblysy) - «Turan» (Túrkistan) 2:4
«Elimaı-2» (Semeı) - «Shahter» (Qaraǵandy) 0:3
«Qaırat-2» (Almaty) - «Arys» (Túrkistan oblysy) 1:0
«Kaspıı-2» (Aqtaý) - «Akademııa Ońtústik» (Shymkent) 1:2.
Endi 28 tamyzda bul týrda úsh oıyn ótkiziledi. «Taraz» óz alańynda Qostanaıdyń «Tobyl-2» klýbyn qabyldaıdy.
Oıyndar kestesi
28 tamyz
18:00. «Taraz» - «Tobyl-2» (Qostanaı)
18:00. «Aqtóbe-2» - «Jaıyq» (Oral)
19:00. «Han táńiri» (Almaty) - «Astana-2».
Bul týrdaǵy alǵashqy oıyn kúninen keıin «Shahter» 55 upaımen kósh basynda tursa, odan keıingi oryndardaǵy «Qaırat-2» 49, «Turan» 41 upaı jınaǵan.
Eske salsaq, budan buryn Stas Pokatılov oınaıtyn «Sabah» komandasy Chempıondar lıgasynyń negizgi kezeńine shyqty.
