«Shahter» 1999 jylǵy «Manchester ıÝnaıtedtiń» erligin qaıtalady
ASTANA. QazAqparat - Qaraǵandynyń «Shahteri» Qazaqstan premer-lıgasynyń HHVІІ týrdy aıasyndaǵy kezekti kezdesýin Taldyqorǵanda ótkizip, sońǵy mınýttarda 2:1 esebimen jeńiske jetti, dep habarlaıdy sportsffa.kz.
Bul match eki komanda úshin de mańyzdy bolatyn. Sebebi ekeýi de 26 oıynnan 27 upaıdan jınap, 9-10 oryndardy bólisip turǵan. Sodan bolar, alań ıeleri de, qonaqtar da kezdesýdi óte saq bastady. Jyldamdyqtary da asa joǵary bolmady.
Alǵashqy qaýipti shabýyldy tek 16-mınýtta kórdik desek te bolady. Alaıda Baıjanovtyń pasyn Szoke kádege jarata almady. Osydan keıin alma-kezek shabýyl jıileı bastady. Eki komanda bir-biriniń qorǵanysyn pispektep, qarqyndaryn sál de bolsa údete tústi. Qaýipti sátter jıileı tústi. Áıtse de, birinshi taımda esep ashylǵan joq. Oıynnyń ekinshi jartysy da birinshi taımdaǵy kórinispen órbidi desek te bolady. Jyldamdyqtary sonsha joǵary emes, oqtyn-oqtyn bir-biriniń qaqpasyn nysanaǵa alyp, shabýylǵa shyǵyp otyrdy.
Oıynnyń qyzyǵy 82-mınýtta ǵana bastaldy. Alań ıeleri dopty buryshtan qosyp, Kasıanovtyń áýelete asyrǵan dobyn Djermanovıch basymen qaqpaǵa dál túsirdi. Gol!
Sol-aq eken, «Shahter» qarqynyn údetti. Shabýyldy jıiletti. 90 mınýt jyljyp ótip ketse de, tóreshiniń ysqyryǵy shalynar emes. Al matchtyń negizgi ýaqytyna qosylǵan qosymsha mınýttarda qonaqtar eki gol soqty.
Áýeli, Baıjanov ala dopty Szokeniń aıaǵyna salyp berip, slovak oıynshysy ony qaqpanyń oń jaq buryshyna súńgitti. Bul oıynnyń 91-mınýty bolatyn. «Shahter» munymen shektelmedi. Alǵa qaraı lap qoıdy.
94 mınýta qonaqtar dopty alań jıeginen oıynǵa qosty. Biraq alań ıeleri ony aıyp alańynan shyǵaryp jiberip, qaýip bultyn seıiltkendeı edi. Biraq keri ushqan dopty Gorıachıı shamamen 30 metrdeı jerden sol aıaǵymen shirene teýip, qaqpanyń sol jaq buryshynyń toryn búlk etkizdi. Gol!
«Shahter» jeńdi. «Jetisýdan» asyp tústi. Tipti «Atyraýdy qýyp jetti. Al bul oıynnyń aıaǵy 1999 jyly Chempıondar lıgasynyń fınalynda «Bavarııadan» jalqy dop aıyrmasymen utylyp jatyp, qosymsha mınýttarda (91 jáne 93) eki gol soǵyp, jeńiske jetken «Manchester ıÝnaıted» jigitteriniń jankeshtilikterin esimizge túsirdi...
«Jetisý» - «Shahter» - 1:2
Goldar: Djermanovıch, 82 (1:0). Szoke, 90+1 (1:1). Gorıachıı, 90+4 (1:2).
«Jetisý»: Shabanov, Ámirseıitov, Saǵyndyqov (Myńbaev, 71), Beglarıan (Barzýkaev, 87), Ádilhanov, Djalovıch, Kasıanov, Borovskıı (Balǵabaev, 77), Kalının, Jańǵylyshbaı, Djermanovıch. «Shahter»: Shatskıı, Gorıachıı, Vasılevıch, Sadovnıchıı, Tarasov, Zoshak, Nurybekov (Ýbbınk, 69), Skoryh, Baıjanov, Szoke, Táttibaev (Sımonovskı, 73).
