Shahtadaǵy jarylystan 10 adam mert boldy
ASTANA. QazAqparat - Qytaıdyń Gýıchjoý ólkesindegi kómir shahtasynda qýatty jarylys oryn aldy, dep habarlady sheteldik BAQ.
Oqıǵa tún ortasynda oryn alǵan. Jarylys kezinde kenishte 130 kenshi bolǵan. Qaza tapqan 10 shahterdiń múrdesi jer betinde shyǵaryldy. Qytaı BAQ-tarynyń habarlaýynsha, 120 jumysshy aman-esen qutqaryldy. Qazirgi ýaqytta tótenshe oqıǵanyń sebebin anyqtaý jumystary júrgizilýde.
Esterińizge sala keteıik, 4 maýsym kúni Qytaıda taǵy bir kómir shahtasynda jarylys oryn alyp, 22 adam qaza tapqan edi. Dál osy kezde kenishte 28 shahter bolǵan. Olardyń 5-eýin qutqarýshylar din aman alyp shyqsa, 1-eýi jaraqat alǵan.
