Shahtadaǵy oqys jaǵdaıdan burǵylaýshy zardap shekti - ShQO
ASTANA. QazAqparat - Shyǵys Qazaqstan oblysynyń Borodýlıha aýdanyndaǵy shahtada oqys jaǵdaı tirkelip, saldarynan zardap shekken burǵylaýshy aýrýhanaǵa jetkizildi, dep habarlaıdy «QazAqparat» HAA tilshisi.
Oqıǵa 21 qyrkúıek kúni saǵat 14:00 shamasynda Borodýlıha aýdanynyń Jarkent aýyldyq okrýgindegi shahtada bolǵan. ShQO jumyldyrý daıyndyǵy basqarmasynyń baspasóz qyzmetinen habarlaǵandaı, «Vostoktsvetmet» JShS jumys júrgizip jatqan Orlovskıı óndiristik kesheninde tespelerdi oqtaý kezinde kapsıýl jarylǵan.
«Oqys oqıǵa saldarynan sol ýchastoktaǵy 32 jastaǵy burǵylaýshy ár túrli dene jaraqatyn aldy. Atalǵan ýchastokta jumys toqtatyldy», - dep habarlaıdy vedomstvodan.
Qazirgi ýaqytta oqıǵanyń mán-jaıy anyqtalý ústinde.
