Shahtadaǵy apat: qaza tapqan kenshiniń otbasyna barlyq qajetti kómek kórsetiledi - Qaraǵandy
QARAǴANDY. QazAqparat - «ArselorMıttal Temirtaý» kompanııasynyń basshylyǵy qaza tapqan kenshi Nıkolaı Shadırovtyń otbasyna barlyq qajetti kómekti kórsetýge ýáde berdi, dep habarlaıdy QazAqparat tilshisi.
Kompanııanyń resmı saıtynda «ArselorMıttal Temirtaý» AQ ujymy men basshylyǵy Lenın atyndaǵy shahtada bolǵan oqıǵadan qaza tapqan burǵylaý qondyrǵysynyń mashınısi Nıkolaı Shadırovtyń týystary men jaqyndaryna shyn júrekten kóńil aıtatyny týraly habarlama keltirilgen.
Kompanııa qaza tapqan kenshiniń otbasyna Qazaqstan Respýblıkasynyń zańnamasyna jáne ujymdyq shartqa tolyq sáıkes barlyq qajetti kómek pen qoldaý kórsetetini týraly jazǵan.
Nıkolaı Shadırov, burǵylaý qondyrǵysynyń 5-shi razrıadty jerasty mashınısi, kompanııanyń kómir departamentiniń «Spetsshahtomontajdegazatsııa» basqarmasynda 16 jyl, onyń ishinde 15 jyl burǵylaý qondyrǵysynyń mashınısi bolyp jumys istedi.
Buǵan deıin habarlanǵandaı, 13 qańtarda keshke Lenın shahtasynda burǵylaý jumystary kezinde gaz ben kómir atyndysy oryn aldy. Oqıǵa kezinde shahtada 3-shi aýysymnyń 137 qyzmetkeri bolǵan. Burǵylaý qondyrǵysynyń mashınısinen basqa barlyq kenshilerdi shahtanyń betine shyǵarý múmkin boldy.
Oqıǵany tergeý boıynsha memlekettik komıssııa quryldy.
