«Shahtadaǵy apatqa kináli ekenińizdi sezesiz be?»: Ákim tosynnan qoıylǵan suraqqa jaýap berdi

 Qaraǵandy oblysynyń ákimi Ermaǵanbet Bólekpaev Óńirlik kommýnıkatsııa qyzmetiniń alańynda ótken brıfıngide jýrnalıster tarapynan qoıylǵan «Shahtadaǵy apatqa kináli ekenińizdi sezesiz be?» degen saýalǵa jaýap berdi, dep habarlaıdy Kazinform tilshisi. 

«Árıne, moraldi jáne psıhologııalyq jaýapkershilikti sezinemin. Mundaı qaıǵyly oqıǵa qabyrǵamyzǵa batty. Biraq keleshekte osyndaı jaǵdaıdyń qaıtalanbaýy úshin qolymyzdan kelgenin jasaımyz. Maman retinde men bul oqıǵanyń aldyn ala almadym. Bul «AMT» basshylyǵyna qatysty qoıylatyn suraq dep oılaımyn», - dedi ol.

Oblys ákimi zardap shekken kenshilerdiń jaǵdaıy týraly da habarlady. Búgingi tańda zardap shekkenderdiń 10-y medıtsınalyq mekemelerde baqylaýda. Naýqastar barlyq qajetti medıtsınalyq kómekti alyp jatyr.