Shahtadaǵy apat: Kompanııa qaza tapqan kenshilerdiń otbasylaryna kómek kórsetedi
ASTANA. KAZINFORM – «Qazaqmys» ujymdyq kelisimshartqa sáıkes «Jomart» kenishinde qaza tapqan jumysshylardyń otbasylaryna barlyq qajetti kómekti kórsetetinin atap ótti.
- Áleýmettik jáne materıaldyq qoldaý maqsatynda, sonyń ishinde moraldyq zııandy óteý úshin, qaza tapqandardyń otbasylaryna jumyskerdiń ortasha jyldyq jalaqysynyń 10 eselengen mólsheri jáne 2 mıllıon teńgeden astam jerleý rásimderin uıymdastyrýǵa tólenedi.
Sondaı-aq asyraýshysynan aıyrylý jaǵdaıyna aı saıynǵy tólemder, balalardyń oqý aqysyn tóleý, qaza tapqan jumysshylardyń nesıe jáne qaryzdaryn jabý, sondaı-aq otbasy músheleriniń ótinishi boıynsha basqa da kómek túrleri qarastyrylǵan, - delingen habarlamada.
«Qazaqmys» basshylyǵy men ujymy qaza tapqandardyń otbasylary men jaqyndaryna kóńil aıtty.
Esterińizge sala keteıik, búgin saǵat 16:50-de Ulytaý oblysyndaǵy shahtada apat bolyp, 7 adam tótenshe jaǵdaıda qalǵan edi.
Oqıǵa ornyna jedel járdem brıgadalary jóneltildi. Kabelderdiń úzilýine baılanysty jumysshylarmen baılanys joq. Shahtada qalǵan jumysshylardyń tizimi belgili boldy.
Ulytaý oblysynda shahtanyń opyrylýyna baılanysty úkimettik komıssııa qurylǵan edi.
Іzdestirý-qutqarý jumystary barysynda qutqarýshylar toby «Qazaqmys korporatsııasynyń» 6 jumysshynyń denesin tapty.
Sondaı-aq shahtada bolǵan tótenshe jaǵdaıdyń aldyn ala sebebi atalǵan edi.