Shahtadaǵy apat: tótenshe jaǵdaıdyń aldyn ala sebebi ataldy
ASTANA. KAZINFORM – «Qazaqmys» korporatsııasynyń habarlaýynsha, aldyn ala málimetke sáıkes korporatsııa kenishterine tán emes tabıǵı gazdyń jarylysy bolǵan.
- Aldyn ala málimetter boıynsha, «Qazaqmys» korporatsııasynyń kenishteri úshin tán emes tabıǵı gazdyń jarylysy bolǵan. Oqıǵanyń mán-jaıy men sebepteri anyqtalyp jatyr. Qaıǵyly jaǵdaıdy tergeý úshin arnaıy memlekettik komıssııa quryldy. «Qazaqmys korporatsııasy» JShS tragedııanyń barlyq mán-jaıyn anyqtaýda tolyq kómek kórsetýde, - delingen habarlamada.
«Qazaqmys» basshylyǵy men ujymy qaza tapqandardyń otbasylary men jaqyndaryna kóńil aıtty.
Esterińizge sala keteıik, búgin saǵat 16:50-de Ulytaý oblysyndaǵy shahtada apat bolyp, 7 adam tótenshe jaǵdaıda qalǵan edi.
Oqıǵa ornyna jedel járdem brıgadalary jóneltildi. Kabelderdiń úzilýine baılanysty jumysshylarmen baılanys joq. Shahtada qalǵan jumysshylardyń tizimi belgili boldy.
Ulytaý oblysynda shahtanyń opyrylýyna baılanysty úkimettik komıssııa qurylǵan edi.
Іzdestirý-qutqarý jumystary barysynda qutqarýshylar toby «Qazaqmys korporatsııasynyń» 6 jumysshynyń denesin tapty.