Shahtadaǵy apat: Alty jumysshynyń denesi tabyldy

JEZQAZǴAN. KAZINFORM –  Іzdestirý-qutqarý jumystary barysynda qutqarýshylar toby «Qazaqmys korporatsııasynyń» alty jumyskeriniń denesin tapty.

Olardyń jeke basynyń aqparaty anyqtalyp jatyr. Qazirgi ýaqytta oqıǵanyń barlyq mán-jaılaryn anyqtaý úshin tergeý júrgizilip jatyr. 

- Jetinshi adamdy izdeý jumystary jalǵasyp jatyr. Oqıǵa ornynda Qazaqstan TJM kúshteri men quraldary toby jumys istep jatyr, - delingen TJM habarlamasynda.

Esterińizge sala keteıik, búgin saǵat 16:50-de Ulytaý oblysyndaǵy shahtada apat bolyp, 7 adam tótenshe jaǵdaıda qalǵan edi.

Oqıǵa ornyna jedel járdem brıgadalary jóneltildi. Kabelderdiń úzilýine baılanysty jumysshylarmen baılanys joq. Shahtada qalǵan jumysshylardyń tizimi belgili boldy.

Ulytaý oblysynda shahtanyń opyrylýyna baılanysty úkimettik komıssııa qurylǵan edi.