Shahmattan VI ÁCh: Magnýs Karlsen blıts boıynsha da chempıon atandy

25-30 jeltoqsanda Samarqandta ótken shahmattyń rapıd jáne blıts túrinen VI álem chempıonaty aıaqtaldy, dep habarlaıdy Kazinform agenttigi UzA-ǵa silteme jasap.

Ózbekstanda alǵash ret Halyqaralyq shahmat federatsııasy (FIDE) uıymdastyrǵan bul jarysqa 50 elden 300-den astam shahmatshy qatysty.

Jalpy júlde qory 1 mıllıon AQSh dollaryn quraıtyn bul álem chempıonatynyń baǵdarlamasy boıynsha 26-28 jeltoqsan aralyǵynda rapıdten 13 raýnd jáne blıtsten 21 raýnd oıyndar ótti.

Rapıdten qazirgi álem chempıony norvegııalyq Magnýs Karlsen VI álem chempıonatynda 10 upaı jınap, jeńimpaz atandy. Ekinshi oryndy slovenııalyq Vladımır Fedoseev, úshinshi oryndy qytaılyq ıAnı ıÝı ıelendi.

Áıelder arasyndaǵy jarysqa FIDE týy astynda óner kórsetken Anastasııa Bodnarýk birinshi oryndy jeńip alyp, 2023 jylǵy álem chempıony atandy.

Úndistandyq Hýmpı Kanerý kúmis, qytaılyq Tıntsze Leı qola júldeni jeńip aldy.

Sondaı-aq blıts kategorııasynyń jeńimpazdary anyqtaldy.

Chempıonattyń rapıd baǵyty boıynsha chempıon atanǵan norvegııalyq Magnýs Karlsen blıts boıynsha da 16 upaımen jeńimpaz atandy.

FIDE týy astynda óner kórsetken Danııl Dýbov pen Vladıslav Artemev ekinshi jáne úshinshi oryndardy ıelendi.

Bul baǵytta áıelder arasynda FIDE týy astynda oınap, 14 upaı jınaǵan Valentına Gýnına VI álem chempıonatynyń chempıony dep tanyldy. Ekinshi oryndy shveıtsarııalyq Aleksandra Kostenıýk, úshinshi oryndy qytaılyq Chjý Tszıner ıelendi.

Chempıonat matchtarynan keıin BAQ ókilderi úshin baspasóz máslıhaty ótti. Uıymdastyrýshylar bes kúnge sozylǵan chempıonat joǵary deńgeıde ótkenin atap ótti.

Jeńimpazdar medaldarymen jáne estelik syılyqtarmen marapattaldy.