Shahmattan stýdentterdiń álem chempıonatynda qazaqstandyq komanda shırek fınalǵa shyqty
ALMATY. KAZINFORM – Almatyda 2026 jylǵy ýnıversıtetter arasyndaǵy shahmattan komandalyq álem chempıonatynyń toptyq kezeńi aıaqtaldy.
Qazaqstan shahmat federatsııasynyń málimetinshe, 16 komandanyń ishinen kúresti odan ári 8 komanda jalǵastyrady. Úzdik segizdiktiń qataryna Qazaq ulttyq sport ýnıversıtetiniń komandasy da ótken.
Toptyq kezeń úsh kúnge sozyldy. Qatysýshylar tórt taqtada 45+30 jyldam klassıka ýaqyt baqylaýymen 6 matchtan oınady. Ár toptan eki úzdik komanda pleı-off kezeńine ótti.
A tobynda birinshi oryndy senimdi túrde Oral memlekettik taý-ken ýnıversıteti ıelendi. Komanda barlyq 6 matchty jeńip, 12 komandalyq jáne 22 jeke upaı jınady. Ekinshi orynda – Harvard University stýdentteri. Olar 7 komandalyq jáne 12,5 jeke upaı jınady. University of Melbourne jáne Peking University komandalary týrnırden shyǵyp qaldy.
V tobynda Saint Louis University komandasy birinshi boldy. Ekinshi orynmen shırek fınalǵa Universidad de Chile ótti. Al S tobynda birinshi oryndy University of Texas at Dallas ıelendi. Ekinshi orynda National Technical University of Athens komandasyna buıyrdy. Qazaqstandyq AlmaU komandasy toptyq kezeńdi úshinshi orynda (3 upaı) aıaqtady, Cambridge University tórtinshi boldy.
D tobynyń jeńimpazy – Qazaq ulttyq sport ýnıversıtetiniń komandasy. KNUS stýdentteri 5 jeńiske jetip, bir matchty teń aıaqtady. Ekinshi orynǵa ındonezııalyq Universitas Gunadarma komandasy jaıǵasty. Ál-Farabı atyndaǵy QazUÝ úshinshi orynda toqtap, pleı-offtan bir qadam qaldy. Oxford University kezeńdi tórtinshi orynda aıaqtady.
Búgin jartylaı fınalǵa ótetin tórt komanda anyqtalady. Onyń ishinde Qazaq ulttyq sport ýnıversıteti National Technical University of Athens komandasymen jolyǵady.
8 tamyzda jartylaı fınal matchtary ótedi, 9 tamyzda chempıon men júldegerler anyqtalady.
Eske salaıyq, Almatyda stýdentter arasyndaǵy shahmattan komandalyq álem chempıonaty bastalǵanyn jazǵanbyz.
