Shahmattan Qazaqstannyń erler quramasy eki dúrkin olımpıada júldegerlerin jeńip ketti
ASTANA. QazAqparat - Norvegııanyń Troms qalasynda ótip jatqan 41-shi Búkilálemdik shahmat olımpıadasynyń ekinshi týrynda Qazaqstannyń erler quramasy shvetsııalyqtardy aıqyn basymdyqpen jeńdi, dep habarlaıdy Vesti.kz.
Qazaqstandyq kvartet quramyna grossmeısterler - Pavel Kotsýr, Rústem Hýsnýtdınov, Petr Kostenko men halyqaralyq master Aslan Aıtbaev kirdi. Olar shvedtik tórt grossmeıster - Nıls Grandelıýs, Evgenıı Agrest, Taıger Hıllar Persson men Hans Tıkkanennen aılasyn asyrdy. Aıta keteıik, bul eldiń komandasy eki ret olımpıada júldegeri atanǵan ákki qurama.
Sondaı-aq, shahmattan Qazaqstannyń qyzdar quramasy da Togo sportshylaryn tize búktirdi - 4:0. Óz qarsylastaryn aıqyn basymdyqpen Gýlishan Nahbaeva, Dınara Sádýaqasova, Madına Dáýletbaeva jáne Gúlmıra Daýletova jeńdi.
Buǵan deıin el namysyn qorǵaǵan erler quramasy kýveıttikterdi, al qyzdarymyz portýgalııalyqtardy san soqtyrǵan. Endi olar úshinshi aınalymǵa joldama alyp otyr.
Baıraqty básekede 177 erler, 136 áıelder quramasy baq synaýda. Olardyń jalpy sany eki myńnan asady.
