Shahmattan Qazaqstan chempıondary anyqtaldy
NUR-SULTAN. QazAqparat – Qaraǵandyda shahmattyń rapıd jáne blıts túrlerinen erler arasynda Qazaqstan chempıonaty aıaqtaldy, dep habarlaıdy QazAqparat Qazaqstannyń Shahmat federatsııasyna silteme jasap.
Jyldam shahmattan oraldyq Azamat Óteǵalıev chempıon atansa, blıtstiń altyn medalin qaraǵandylyq Rústem Hýsnýtdınov enshiledi.
«Týrnırdi jyl saıyn Qaraǵandyda ótkizý dástúrge aınaldy. Jalpy, Qazaqstannyń úzdik 57 sportshysy baq synady. Oıyndar shyn máninde tartysty ári qyzyqty boldy», - deıdi chempıonattyń bas tóreshisi Oleg Rınas.
Jeke-dara birinshilikpen qatar, komandalyq chempıonat ta ótkizildi. Blıts partııalarynda 9 oblystyq komanda ózara kúsh synasty. Komandalyq chempıonatta Denıs Mahnev, Konstantın Kazakov, Temirlan Bekturov jáne Krıstına Kımnen quralǵan Pavlodar oblysynyń komandasy jeńiske jetti.
