Shahmattan Qazaqstan áıelder quramasy shahmat olımpıadasynda Frantsııa quramasynan basym tústi

Qazaqstandyq kvartet Gúlishan Nahbaeva, Dınara Sádýaqasova, Mádına Dáýletbaeva men Gúlmıra Dáýletovalar áldeqaıda dańqty frantsýz qarsylastaryn 3:1 esebimen jeńip ketti. Bul - qazaqstandyq komandanyń jetinshi jeńisi. Osy jetistiktiń arqasynda ulttyq qurama reıtıngte bes satyǵa kóterilip, 9-orynǵa jaıǵasty. Bul tizimde toǵyz ret jeńiske jetken Reseı komandasy kósh bastap tur.

Qazaqstannyń erler quramasy bolsa, bul olımpıadada laıyqty óner kórsete almaı júr. Ánýar Ismaǵambetov, Pavel Kotsýr, Rýstam Hýsnýtdınov, Petr Kostenko Ispanııa quramasyna 1:3 esebimen jol berdi. Osydan soń qazaqstandyq komanda 49-satyǵa túsip ketti.