Shahmattan halyqaralyq onlaın týrnırde Ásel Lesbekova júldeli oryndy ıelendi

NUR-SULTAN. QazAqparat – Jaqynda Geıdar Álıevtiń týǵanyna 97 jyl tolýyna arnalǵan shahmattan onlaın-týrnırde qazaqstandyq shahmatshy Ásel Lesbekova júldeli orynǵa ıe boldy, dep habarlaıdy QazAqparat.

Halyqaralyq týrnırdi Ázerbaıjan Bilim mınıstrligi men Ázerbaıjan shahmat federatsııasy uıymdastyrdy.

Halyqaralyq týrnırdiń maqsaty – karantın kezinde balalardyń bos ýaqytyn tıimdi paıdalaný, zamanaýı tehnologııalar arqyly shahmatshylardyń tájirıbesin kóterý.

Uıymdastyrýshylardyń habarlaýynsha, 43 elden 209 shahmatshy qatysqan týrnır óte tartysty ótti. Bul sharaǵa 2003 jyly týǵan jáne 17 jastan kishi balalar qatysty.

Qyzdar arasynda birinshi jáne ekinshi oryndy ázerbaıjandyq Malak Ismaıl men Govhar Beıdýllaeva ózara bólisti. Al qazaqstandyq shahmatshy Ásel Lesbekova úshinshi oryndy aldy.

Júldegerler dıplomdarmen ári arnaıy syılyqtarmen marapattaldy.

Ásel Lesbekova shahmattan Qazaqstannyń sport sheberi. Bul ataqty ol 2017 jyly 13 jasynda ıelendi.