Shahmattan Dármen Sádýaqasov kýbogynyń qorytyndysy shyǵaryldy
NUR-SULTAN. QazAqparat - 900-den astam qazaqstandyq jas shahmatshy «Halyqaralyq grossmeıster Dármen Sádýaqasovtyń kýbogy» onlaın shahmat týrnırine qatystyǵ dep habarlaıdy QazAqparat tilshisi.
Respýblıkalyq jarysty «Báıterek» holdıngi, Dármen Sádýaqasov shahmat akademııasy jáne «Bolashaq» qaýymdastyǵy uıymdastyrdy.
Týrnır jas erekshelikterine qaraı úsh sanat boıynsha, ıaǵnı 10, 14 jáne 18 jasqa deıingiler arasynda ótkizildi. Eń kishi topta jalpy esepte Edgar Mamedov jeńimpaz atandy, odan keıin júldegerler qataryna Álıhan Hajatuly men Mark Smırnov kirdi. Qyzdar arasynda júldegerler úshtigin Málik Japparbekova, Ásııa Asylhan jáne Elnaz Qalıahmet qurady.
14 jasqa deıingiler arasynda jalpy esepte Sátbek Ahmedınov jeńiske jetti, ol Orash Shonazarov pen Nurdáýlet Tańatovty jeńdi. Qyzdar júldelerdi myna tártipte bólisti: Ámına Qaıyrbekova, Alýa Nurmanova jáne Anastasııa Pereıma.
Sonymen, týrnırde 18 jasqa deıingi qazaqstandyq jasóspirimder arasynda jalpy esepte Qazybek Nógerbek, Tamerlan Bekturov jáne Abylaı Ahmetjan kósh bastady. Qyzdar arasynda Ksenııa Balabaeva, Ásel Serikbaı jáne Nazerke Nurǵalı úzdik tanyldy.
10 jas sportshy qyz qosymsha syılyqtarmen marapattaldy.
Týrnır bastamashylarynyń negizgi mindeti úlken shahmat merekesin uıymdastyrý boldy. Karantın shekteýi kezinde týrnırge elimizdegi eń myqty degen balalar men jasóspirimderin jınaý úshin onlaın format qolaıly tásil boldy. Osyndaı qıyn-qystaý kezeńde daryndy balalardy nazardan tys qaldyrmaı, yntalandyryp, sport jetistikterin arttyra túsý óte mańyzdy.
Shahmattan 14-shi álem chempıony Vladımır Kramnık (Reseı) jáne shahmattan Álem kýbogynyń jeńimpazy, álem chempıony ataǵyna úmitker Borıs Gelfand (Izraıl) kýbokqa qatysýshylarǵa jyly lebizderin bildirdi. Sondaı-aq, otandyq sport juldyzdarynyń atynan bokstan olımpıada chempıondary Ermahan Ybyraıymov pen Serik Sápıev, aýyr atletıkadan tórt dúrkin álem chempıony Ilıa Ilın, MMA boıynsha, karate jáne djıý-djıtsýdan tórt dúrkin álem chempıony Aıdar Mahmetov, kórkem gımnastıkadan Azııa jáne Azııa oıyndarynyń chempıony Anna Alıabeva jáne halyqaralyq grossmeıster, 20 jasqa deıingiler arasyndaǵy álem chempıony Dármen Sádýaqasov balalarǵa tilekterin bildirdi.
Jarystyń onlaın ashylý saltanatyna «Báıterek» holdınginiń Basqarma tóraǵasy Aıdar Áriphanov pen Nur-Sultan qalasy ákiminiń orynbasary, «Bolashaq» qaýymdastyǵynyń keńes tóraǵasy Baqtııar Máken qatysty.
Kýbokty ótkizýge kóptegen kásipqoılar – qazaqstandyq jetekshi grossmeısterler, halyqaralyq tóreshiler, lichess.org oıyn platformasynyń sarapshylary, sondaı-aq jarysty uıymdastyrýshylardyń ókilderi – «Báıterek» holdınginiń, Dármen Sádýaqasov shahmat akademııasynyń jáne «Bolashaq» qaýymdastyǵynyń ókilderi qatysty.
Qazirgi zamanǵy onlaın-shahmattyń basty problenmasy – chıterlikpen kúreske erekshe kóńil aýdaryldy. Týrnır tóreshileri Fair Play buzýshylaryna óte qatań qaraıtyn FIDE usynymdaryn basshylyqqa aldy. Antıchıterlik komıssııa qabyldaǵan qatań sharalar shahmatshylardyń adal oıynǵa degen senimin nyǵaıtady.
Jas oıynshylar, tóreshiler men uıymdastyrýshylar úshin bul týrnır resmı jarystyń jańa formatyn ótkizýde jaqsy tájirıbe boldy. Kelesi joly kýbokty budan da saltanatty ári sporttyq atmosferada ótkizýge kómektesedi.
