Shahmattan Azııa chempıonatynda Ksenııa Balabaeva qola aldy
ASTANA. KAZINFORM - Birikken Arab Ámirliginiń Ál-Aın qalasynda ótken Azııa chempıonatynda qazaqstandyq 19 jasar sportshy Ksenııa Balabaeva klassıkalyq shahmattan Azııa chempıonatynda qola medal aldy.
7-15 mamyr aralyǵynda bolǵan dúbirli dodada Ksenııa shveıtsarııalyq júıe boıynsha saıysta synǵa tústi. Onda 23 eldiń 100 shahmatshysy baq synady. Olardyń arasynda 2 grossmeıster jáne 13 halyqaralyq cport sheberi bar. Álem chempıonatynda Ksenııa 9 upaıdyń 7-in jınady.
Otandasymyz sońǵy týrda 2024-2025 jylǵy FIDE-niń áıelder arasyndaǵy Gran-prıine qatysýshy, mońǵolııalyq Bathýıagıın Mongontýýldy (reıtıngi 2359) qapy qaldyrdy. Osylaısha úzdik úshtikten kórindi.
Chempıonat bastalarda qazaqstandyq shahmatshylar úzdik ondyqtaǵy oıynshylar qataryna kirmegen edi. Sol sebepti bul biz úshin erekshe júlde.
Aıta keteıik, Azııa chempıonaty áıelder men erler arasyndaǵy álem kýbogyna irikteý kezeńi sanalady.
Aıta ketsek, buǵan deıin blıts týrnırde Alýa Nurman Azııa chempıony atandy.
Eske salsaq, budan buryn Bıbisara Asaýbaeva álemdik reıtıngidegi ornyn jaqsarta tústi.