Shahmattan Azııa chempıonatynda 650-ge jýyq jas shahmatshy baq synaıdy
ASTANA. KAZIFORM - Almatyda shahmattan 26-shy jasóspirimder arasyndaǵy Azııa chempıonatynyń saltanatty ashylý rásimi ótti. Týrnırge Azııanyń 34 elinen 7-18 jas aralyǵyndaǵy 650-ge jýyq jas oıynshy jınaldy.
Bul Qazaqstan qabyldaǵan halyqaralyq shahmat týrnırlary arasyndaǵy qatysýshylardyń rekordtyq sany. Aýqymdy chempıonat KazChess/Qazaqstan shahmat federatsııasy, QR Týrızm jáne sport mınıstrligi, Azııa shahmat federatsııasy, Almaty qalasy ákimdigi jáne Qazaqstan tennıs federatsııasynyń qoldaýymen uıymdastyryldy. Chempıonattyń bas demeýshisi — Freedom Holding Corp kompanııasy.
Jasóspirimderdiń Azııa chempıonaty — aımaq úshin shahmat álemindegi mańyzdy oqıǵa. Jyl sońynda Azııa ókilderi tuńǵysh ret shahmattan álem chempıony ataǵyna kúresedi: erler arasynda qazirgi álem chempıony qytaılyq Dın Lıjen men 8ndistandyq Gýkesh Dommaradjý, qytaılyq áıelder Tszıýı Ventszıýn men Tan Chjýnı bar. Azııa chempıonattary — shahmattyń bolashaq juldyzdaryn ushyrý alańy.
«Biz úshin osyndaı bedeldi týrnırdi ótkizý — joǵary senimniń belgisi jáne Azııa shahmat federatsııasyndaǵy pozıtsııamyzdy nyǵaıtý múmkindigi. Chempıonat elimizde shahmattyń odan ári tanylýyna, jańa esimderdi tanytyp, jas shahmatshylarymyz úshin baıypty básekelestik tájirıbe jınaýǵa tamasha múmkindik syılaıdy. Bizdiń komanda týrnırdi sapaly uıymdastyryp qana qoımaı, qonaqtarǵa Qazaqstannyń mádenıeti men dástúrin tanystyryp, Almatynyń tumsa tabıǵatyn kórsetetin qyzyqty sharalarmen tolyqtyrdy», — dep atap ótti Qazaqstan shahmat federatsııasynyń prezıdenti Tımýr Týrlov.
Ókildi delegatsııalar Ózbekstan, FIDE týynyń astynda Reseı, Vetnam, Úndistan, Qyrǵyzstan, Mońǵolııa, Sıngapýr, Qytaı men Ońtústik Koreıadan keldi.
Chempıonatqa qatysýshylary arasynda eki halyqaralyq sheber bar — jaqynda úshinshi grossmeısterlik normany oryndaǵan qazaqstandyq Aldııar Ansat jáne Sýresh Harsh (Úndistan) jáne eki halyqaralyq áıelder sheberi — Amına Qaıyrbekova (Qazaqstan) men Maftýna Bobomýrodova (Ózbekstan). 2022 jylǵy álem chempıonatynyń 16 jasqa deıingi kúmis júldegeri, FIDE áıelder sheberi Ngýen Hong Nıýng te bar. Qatysýshylar arasynda barlyǵy 24 FIDE sheberi jáne 11 FIDE áıel sheberi bar.
Chempıonat ekologııalyq taza jáne turaqty damý uranymen ótýde. Týrnırde qoldanylǵan plastık qaıta óńdelip, ony veloshrederde qatysýshylardyń ózderi jasaı alady. Almatylyqtar men qala qonaqtary 10-20 maýsym aralyǵynda Balýan Sholaq atyndaǵy Sport kesheninde ótetin chempıonatqa qatysyp, jańa shahmat jeńisteriniń kýási bola alady.
