Shahmattan álemniń 4 dúrkin chempıony Áýezov aýdanynda oqyp jatyr - Almaty
ALMATY. 25 qańtar. QazAqparat - Áýezov aýdanyndaǵy orta bilim beretin 35 mekemeniń 11-i ǵana qazaq tildi mektepter.
Bul týraly búgin «Qalkaman-2» yqshamaýdanyndaǵy № 176 mektep-gımnazııada ótken Áýezov aýdandyq bilim bóliminiń jalpy bilim beretin mekemelerde bilim sapasyn arttyrý máselesi boıynsha júrgizgen jumystarynyń esebinde aıtyldy.
Áýezov aýdanynda 35 orta bilim beretin mekemeniń 20-sy jańa úlgidegi mektepter. Bilim ordalarynyń 12-si orys, 11-i qazaq, 9-y aralas (orys jáne qazaq tildi) mektepter. Aýdan mektepterindegi 2 919 muǵalim 39 492 oqýshyǵa bilim berýde. Almaty qalasy boıynsha ulttyq biryńǵaı testileý qorytyndysynda Áýezov aýdany 2010-2011 oqý jylynda 1-shi, 2011-2012 oqý jylynda 3-shi oryndy ıemdendi. Al 2010 jyly - № 173 lıtseı komandasy Almaty qalasynyń ákimi taǵaıyndaǵan «Úrker» tósbelgisiniń ıegeri atansa, 2011-2012 oqý jylynda aýdandaǵy 61 oqýshy halyqaralyq ǵylymı joba saıystarynyń jeńimpazdary. 47 oqýshy halyqaralyq olımpıadanyń, 35 oqýshy respýblıkalyq olımpıadanyń, 13 oqýshy respýblıkalyq ǵylymı joba saıystarynyń jeńimpazy atandy. № 126 mektep-lıtseıdiń 6-shy synyp oqýshysy Jansaıa Ábdimálik shahmattan álem chempıonatynyń 4-shi ret chempıony boldy. Budan bólek ustazdar arasynda 2012 jyly № 126 mektep-lıtseıdiń oqytýshysy Z. Qııabaevarespýblıkalyq «Jyl muǵalimi» saıysynyń jeńimpazy atandy.
