Shahmattan álem chempıony Magnýs Karlsen Almatyǵa keldi
Dılaıla blıts boıynsha Qazaqstan Respýblıkasynyń chempıony, 2019 jylǵy Karpova kýbogynyń ıegeri, Halyqaralyq shahmat federatsııasynyń FIDE syılyǵynyń ıegeri.
Munymen qosa ol álem chempıondary týraly áńgimeleıtin «Dılaılamen shahmat hıkaıalary» atty biregeı mádenı-aǵartý jobasyn jasaǵany úshin marapattalǵan.
Qonaqty qarsy alýǵa kelgen áıelder arasynda Dılaıla - jalǵyz bala.
Aıta ketsek, FIDE 2022 jyldy shahmattaǵy áıelder jyly dep jarııalaǵan bolatyn.
«Men Magnýs Karlsenniń mansabyna qaıran qalamyn jáne onyń chempıon retinde qalyptasýyna ákesi úlken ról atqardy dep oılaımyn. Meni de otbasym únemi qoldaıdy, olardyń qoldaýynsyz jetistikke jetpes edim. Men Magnýstan ǵana emes, onyń ákesinen de qoltańba aldym», - deıdi toǵyz jasar Dılaıla.
Eske salsaq, shahmattan álem chempıonaty Almatyda 2022 jyldyń 25-30 jeltoqsanynda ótedi.
Álemniń 50 eliniń jetekshi shahmatshylary tıtýldar úshin talasady.
Týrnırdi uıymdastyrýshylar – FIDE men Qazaqstan shahmat federatsııasy. Týrnır Balýan Sholaq atyndaǵy sport jáne mádenıet saraıynda ótedi.
Chempıonat Almaty qalasy ákimdiginiń jáne Qazaqstan Respýblıkasy Mádenıet jáne sport mınıstrliginiń qoldaýymen ótkizilmek. Júlde qory – $1 mln.
Magnýs Karlsen 1990 jyly 30 qarashada dúnıege kelgen. Grossmeıster (2004 jyldan bastap). Qazirgi álem chempıony (2013 jyldan beri ol 5 ret chempıon atandy jáne 2023 jyly ótetin ıAn Nepomnıaşıı – Dın Lıjen arasyndaǵy jarystyń sońyna deıin bul tıtýldy saqtaıdy).
Rapıdten úsh dúrkin álem chempıony (2014, 2015, 2019) jáne blıtsten bes dúrkin álem chempıony (2009, 2014, 2017, 2018, 2019).
Onyń eń joǵary reıtıngi – 2882 (2014 jyldyń mamyry men 2019 jyldyń tamyzy). Bul - tarıhtaǵy eń joǵary reıtıng.
Foto: Sergeı Alekseenok
