Shahmattan álem chempıony A.Karpov týrısterdi Almatyǵa shaqyrdy
ALMATY. QazAqparat - Shahmattan álem chempıony Anatolıı Karpov týrısterdi Almatyǵa shaqyrdy. Bul týraly ol blıts-shahmattan Prezıdenttiń Eýrazııa kýbogynyń ashylý saltanatynda aıtty.
«Qazaqstanda shahmat keńinen taraǵan. Almatynyń shahmat dástúrlerimen ataǵy shyqqan, shahmatty bylaı qoıǵanda, onyń ústine qala mańynda tamasha taýlar, Shymbulaq kýrorty, Medeý bar, sondyqtan Almatyǵa kelińder! Men árqashan da Qazaqstanǵa qýana ushyp kelem. Bıylǵy jyly osynda úshinshi ret kelip otyrmyn. Búginde munda úlken oqıǵa ótýde. Keshe men osynda kelgende tipti shahmat oınamaıtyn áıel qarsylap, meni tanyp jatyr. Men Qazaqstannyń shahmat federatsııasyn osy oqıǵamen quttyqtaımyn. Shahmatshylarǵa tamasha áser jáne jeńister, al jankúıerlerge tamasha ıdeıalar tileımin!", - dedi A.Karpov.
Eske sala keteıik, blıts-shahmattan Prezıdenttiń Eýrazııa kýbogy bul kúnderi Almatyda ótýde, onda álemniń 30 eliniń shahmatshylary bas qosty.
