Shahmattan álem chempıonatynyń basty oıynyn Dvorkovıch pen Oralov bastap berdi

ASTANA. QazAqparat - Shahmattan álemniń absolıýtti chempıony ataǵyna talasyp jatqan ıAn Nepomnıaşıı men Dın Lıjen arasyndaǵy match bastaldy, dep habarlaıdy QazAqparat.

Búgin Halyqaralyq shahmat federatsııasynyń (FIDE) prezıdenti Arkadıı Dvorkovıch pen Qazaqstannyń Mádenıet jáne sport mınıstri Ashat Oralov oıyn partııasynda alǵashqy qadam jasap berdi.

«Álem birinshiligi matchtarynyń tarıhy 1886 jyldan bastaý alady. 137 jyldyq tarıhta shahmattan 16 álem chempıony anyqtalǵan. Búginde dúnıejúzi muqııat baqylap otyrǵan bul match elimizde shahmatty odan ári damytý úshin mańyzdy qadam bolatynyna senimdimin. Qazirdiń ózinde Qazaqstanda atalǵan sport túrin damytý jáne ilgeriletý boıynsha belsendi jumys júrgizilip jatyr. Ásirese balalar men jastar arasynda bul baǵyt úlken qarqyn alyp keledi. Otandyq sport jankúıerlerin úlken shahmat merekesiniń bastalýymen quttyqtaımyn, al sportshylarǵa qyzyqty oıyn kórsetýdi jáne sáttilik tileımin» dep jazdy mınıstr Facebook paraqshasynda.

Byltyr Qazaqstanda 7618 úıirmede 250 myńnan astam adam shahmatpen júıeli túrde aınalysqan bolsa, osy oqý jylynyń basynan beri 28 myńǵa jýyq balaǵa arnalǵan 654 mektepte shahmat páni fakýltatıv túrinde engizildi.

Eske sala keteıik, Astanada 7 sáýir men 1 mamyr aralyǵynda shahmattan álem chempıonaty ótip jatyr.

Onda ıAn Nepomnıaşıı (FIDE) men qytaılyq Dın Lıjen álem chempıony ataǵyna talasady. Keshe tanymal sportshylar baspasóz máslıhatyn ótkizip, tilshilerdi qyzyqtyrǵan suraqtarǵa jaýap bergen edi.

Sondaı-aq Qazaqstan shahmat federatsııasynyń prezıdenti Tımýr Týrlov shahmattan álem chempıonaty nelikten Astanada ótip jatqanyn túsindirdi.

Chempıonatta Qazaqstannyń shahmatshy qyzdary álem quramasyna qarsy oınaıdy.