Shahmattan álem chempıonaty: Qazaqstannyń qyzdar quramasy Mysyr men Úndistandy jeńdi

BYDGOŞ. QazAqparat – Polshanyń Bydgoş qalasynda jyldam shahmattan (rapıd) áıelder arasynda komandalyq álem chempıonaty bastaldy, dep habarlaıdy QazAqparat QR shahmat federatsııasyna silteme jasap.

Týrnırge 12 komanda qatysýda. Olar eki topqa bólingen.

Qyzdarymyz Grýzııa, Ýkraına, Úndistan, Frantsııa jáne Mysyrmen oınaıdy. Aldyn ala ótken týrnırlerdiń qorytyndysy boıynsha eki úzdik komanda anyqtalady. Olar kýbok júıesi boıynsha 1-4 oryndardy ózara bólispek.

Birinshi kezdesýde qazaqstandyq shahmatshylar Mysyr quramasyn 3:1 esebimen jeńdi (Bıbisara Asaýbaeva men Merýert Kamalıdenova jeńiske jetti, al Ksenııa Balabaeva men Alýa Nurmanova oıyndaryn teń aıaqtady).

Ekinshi aınalymda bizdiń qurama Úndistan komandasyn utty. Jeńis upaıyn Ámına Qaıyrbekova ákeldi.

Endi Frantsııa men Ýkraına komandalarymen ótetin kelesi eki match óte mańyzdy bolmaq.