Shahmattan Álem chempıonaty: Qazaqstannyń qorjynynda - úsh altyn jáne eki kúmis
ASTANA. 8 mamyr. QazAqparat - Rýmıanııada ótken shahmattan oqýshylar arasyndaǵy Álem chempıonatynda Qazaqstannyń jas shahmatshylary úsh altyn jáne eki kúmis medalin jeńip aldy.
Qazaqstannyń Shahmat federatsııasy habarlaǵandaı, halyqaralyq dodada el namysyn qorǵaǵan Bıbisara Asaýbaeva (9 jasta, Astana), Dıana Asaýbaeva (15 jasta, Qostanaı) jáne Dınara Sádýaqasova (17 jasta, Astana) altynmen aptalsa, Ásel Serikbaı (11 jasta, Qyzylorda) jáne Álibek Igambergenov (17 jasta, Oral) kúmispen kúptelip, el abyroıyn kókke kóterdi.
Al Janat Saıyn, Denıs Mahnev, Ramazan Jalmahanovtar aqtyq syndarǵa deıin jetip, Álem chempıonatynyń úzdik 15 oıynshynyń qatarynan kórine bildi.
