Shahmattan Álem chempıonaty: Qazaqstan men AQSh komandalary teń tústi
ASTANA. 4 naýryz. QazAqparat - Astanadaǵy «Dýman» qonaqúıinde ótip jatqan áıelder arasyndaǵy shahmattan Álem chempıonatynda Qazaqstannyń quramasy AQSh shahmatshylarymen teń oınady.
Bul dodada el namysyn qorǵap jatqan Gúlishan Nahbaeva jáne Dınara Sádýaqasova keshegi oıynda qarsylastarymen teń tússe, Mádına Dáýletbaevanyń jeńisi qazaqstandyq komandany alǵa shyǵarǵan edi. Alaıda Gúlmıra Dáýletova utylyp qaldy. Esep - 2:2. Al álem chempıony - Qytaı quramasy frantsýzdardy aıqyn basymdyqpen jeńdi. Sondaı-aq, Reseı - Rýmynııany, Grýzııa - Túrkııany, al Ýkraınanyń shahmatshy qyzdary Úndistandy utty.
Búgin Úndistan - Frantsııa, Grýzııa - Qytaı, Ýkraına - Rýmynııa jáne AQSh - Túrkııa oıyndary ótedi. Al qazaqstandyqtar Reseı quramasymen kezdesedi.
Esterińizge sala keteıik, Astanadaǵy «Dýman» qonaqúıinde ótip jatqan áıelder arasyndaǵy shahmattan Álem chempıonatynyń oıyndaryn www.worldchess.kz saıtynan on-laın rejıminde kórýge bolady.
