Shahmattan Álem chempıonaty: Qazaqstan quramasy Rýmynııamen teń tústi
ASTANA. 7 naýryz. QazAqparat - Astanadaǵy «Dýman» qonaqúıinde ótip jatqan áıelder arasyndaǵy shahmattan Álem chempıonatynda Qazaqstan quramasy Rýmynııamen teń tústi.
Birinshi kezdesýde Dınara Sádýaqasova rýmynııalyq Elena Lıýmınıta Kosmamen teń oınasa, ekinshi oıynda Gúlmıra Dáýletova utylyp qaldy. Rýmynııa quramasy 1,5 upaımen alǵa shyǵyp, Qazaqstan quramasyn (0,5 upaı) artta qaldyrǵan edi. Alaıda komanda kapıtany Gúlishan Naqbaeva namysty qoldan bergen joq. Ol óz qarsylasy Krıstına Adel Foısherdi qyspaqqa alyp, 48-shi júriste rýmynııalyq shahmatshyny moıyndatty. Sonymen jalpykomandalyq esep teńesti. Bizdiń jas sportshymyz Jansaıa Ábdimálik bolsa, óz oıynyn teń aıaqtady. Eki komanda da 0,5 upaıdan jınap, 2:2 esebimen kezdesýdi támamdady.
Búgin Qazaqstan quramasy Úndistan komandasymen kúsh synasady.
