Shahmattan Álem chempıonaty: Qazaqstan quramasy 7-orynnan kórindi
ASTANA. 12 naýryz. QazAqparat - Búgin Astanadaǵy «Dýman» qonaq úıinde shahmattan áıelder arasyndaǵy komandalyq Álem chempıonaty aıaqtaldy.
On kúnge sozylǵan shahmat dodasynyń qorytyndysy boıynsha Qazaqstan quramasy 7-shi orynǵa ıe boldy. Birinshi orynda - Ýkraına, ekinshi jáne úshinshi oryndardy Qytaı men Reseı komandalary enshiledi. Bul chempıonatta Qazaqstannyń namysyn bes shahmatshy qorǵady. Olar - Gúlishan Naqbaeva, Dınara Sádýaqasova, Mádına Dáýletbaeva, Gúlmıra Dáýletova jáne Jansaıa Ábdimálik.
Jalpy, Astanada ótken Álem chempıonatyna 10 eldiń quramasy qatysty. Qazaqstan Ýkraına, Qytaı, Reseı, Grýzııa, Úndistan jáne AQSh komandalaryna jol berip, Rýmynııa, Frantsııa jáne Túrkııadan basym tústi.
