Shahmattan álem chempıonaty: Qazaqstan Frantsııany jeńdi
ASTANA. 12 naýryz. QazAqparat - Shahmattan Qazaqstannyń áıelder quramasy Astanada ótip jatqan álem chempıonatynda ekinshi jeńisine qol jetkizdi,
dep habarlady Vesti.kz.
Eki jeńis pen bir teń oıyn qazaqstandyq shahmatshylarǵa týrnırdiń aýtsaıderi Frantsııa komandasynan basym túsýin qamtamasyz etti. Óz qarsylastaryn Gúlishan Naqbaeva men Gúlmıra Dáýletova jeńdi, teń oıyn Dınara Sádýaqasovanyń enshisinde. Tórtinshi taqtada Mádına Dáýletbaeva men Natasha Benmesbanyń arasynda kúnniń eń uzaq oıyny boldy. Partııa frantsýz qyzynyń paıdasyna aıaqtaldy.
Bul jeńistiń arqasynda Qazaqstan quramasy týrnırlik kesteniń jetinshi qataryna kóterildi. 12 naýryz - álem chempıonatynyń sońǵy kúninde Qazaqstan quramasy chempıonattyń medali úshin kúres júrgizip jatqan Grýzııaǵa qarsy oınaıdy.
