Shahmattan álem chempıonatynda qazaqstandyq para sportshylar 9 medal aldy

ASTANA. KAZINFORM — Úndistannyń Goa qalasynda shahmattan 21-30 shilde aralyǵynda ótken álem chempıonatynda qazaqstandyq para sportshylar 9 medal jeńip aldy.

Шахматтан әлем чемпионатында қазақстандық пара спортшылар 9 медаль алды
Фото: Спорт және дене шынықтыру істері комитеті

Dúnıejúzilik dodaǵa 18 elden 100-den astam sportshy qatysty. Atalǵan doda shahmattyń klassıka, blıts jáne rapıd oıyn túrlerinen ótti.

Jarys qorytyndysy boıynsha klassıkalyq shahmattan Aıaýlym Qambarova, Baqytjan Maıkenov jáne Álimjan Aıapov qola medal ıelendi. Blıts oıyn túrinen Aıaýlym Qambarova men Baqytjan Maıkenov kúmis, al Serik Soltanov pen Álimjan Aıapov qola júlde ıelendi. Al rapıd boıynsha Aıaýlym Qambarova men Álimjan Aıapov ekinshi oryn aldy.

Eske salsaq, Malaızııanyń Kýchıng qalasynda ótken Azııa chempıonatynda parataekvondo (pýmse) boıynsha qazaqstandyq sportshylar 2 altyn, 2 kúmis jáne 1 qola júlde jeńip aldy.

Сейчас читают