Shahmattan álem birinshiligine arnalǵan match Qazaqstanda ótýi múmkin
«Shahmat federatsııasy FIDE-ge qazir eki joldama jiberdi. Onyń biri - álem birinshiligine arnalǵan matchy uıymdastyrý, ekinshisi – balalar arasyndaǵy shahmat olımpıadasy. Álem birinshiligin uıymdastyrý mártebesin alý úshin biz Argentınamen talasyp jatyrmyz. Eger 1-2 kúnde sheshim qabyldanatyn bolsa, osy jarysty sáýirde ótkizemiz. Munda tek eki oıynshy oınaıdy. Olar – qytaılyq Dın Lıjen jáne reseılik ıAn Nepomnıaşıı. Sonymen qatar, biz osy jarystyń aıasynda balalarǵa arnalǵan úlken halyqaralyq saıys ótkizemiz. Al ekinshi jarys – 16 jasqa deıingi balalar arasynda shahmat olımpıadasy qarasha aıynda ótýi múmkin. Bul jarysty ótkizý mártebesi úshin Golandııamen talasyp jatyrmyz. Eger ony utyp alatyn bolsa, onda qarasha aıynda Almatyda jalpy sany 300-ge jýyq 30-40 memleketten keletin komandalyq jarys ótkizemiz», - dep josparlarymen bólisti Gúlmıra Dáýletova.
Buǵan deıin ol Almatyda alǵash ret ótken blıts-shahmattan Álem chempıonatyn tamashalaýǵa kún saıyn 1 500-den astam adam kelgenin málimdep edi.